Procesi i regjistrimit të popullsisë, ekonomive familjare dhe banesave do të përmbyllet sot, pas shtyrjes së datës fillestare nga Qeveria e Kosovës me propozim të Agjencisë së Statistikave të Kosovës (ASK).
Hasbije Qeriqi, zyrtare për media në ASK, tha për RTKlive se detajet në lidhje me regjistrimin dhe shifrat preliminare të këtij procesi do t’i paraqesin në konferencën për media që do të mbahet të hënën.
Nga faza e parë e regjistrimit numri i të regjistruarve ishte mbi 1 milionë e 400 mijë qytetarë rezident, por për shkak se një numër i madh i qytetarëve në disa komuna nuk kishin arritur të regjistrohen, afati u vazhdua për një javë.
Këtë herë në këtë proces kanë qenë të përfshirë edhe formularët e regjistrimit të dëmeve të luftës. Avni Kastrati, drejtor i ASK-së, në një intervistë të dhënë më herët për RTK-në kishte thënë se këta formularë do t’i shërbejnë institucioneve për dokumentim e analiza në të ardhmen.
Procesi i regjistrimit të popullsisë ka filluar nga data 5 prill. Ai fillimisht ishte paraparë të përmbyllej më 17 maj, por pas kërkesave nga disa komuna afati është shtyrë nga ekzekutivi deri më 24 maj.
Sa i përket regjistrimit të Diasporës afati mbetet i hapur deri më datën 31 gusht dhe regjistrimi mund të bëhet vetëm përmes platformës online eDiaspora.
Pse këto dy shenja të horoskopit janë gjithmonë në qendër të...
Përfshihet nga zjarri një banesë në Fier
Barça deklason Bayern, Atletico bie nga Lille, Inter fiton m...
Mbretëri e Bashkuar, vdekjet nga kokaina u rritën 30%
Mbrojtja Civile e Gazës thotë se tre punëtorë të saj u plago...
“Prishet miqësia”, përplasje e fortë mes Vullnetit dhe Gresë...